ट्रान्सपरेन्सी इन्टरनेशनलले १ सय ७६ वटा राष्ट्रमा गरेको सर्वेक्षणमा
नेपाल २७ अंकका साथ मुलुक मध्ये १ सय ३९ औं स्थानमा रहेको छ । बुधबार
सार्वजनिक गरेको सर्वेक्षणमा भ्रष्टाचार नियन्त्रणमा हुन नसकेको प्रष्ट
भएको ट्रान्सपरेन्सी इन्टरनेशनल नेपालले जनाएको छ । अघिल्लो वर्ष १ सय ८३
देशमा गरिएको सर्वेक्षणमा नेपाल १ सय ५४ औं स्थानमा थियो ।
अफगानिस्तान दक्षिण
एशियामा सबैभन्दा बढी भ्रष्टाचार हुने मुलुक छ भने भुटान कम भ्रष्टाचार
हुने देश बनेको छ । ट्रान्सपरेन्सीको सूचीमा सबैभन्दा कम भ्रष्टाचार हुने
देशमा डेनमार्क, फिनल्याण्ड र न्यूजील्याण्ड रहेका छन् यी देशले समान ९०
अंक पाएको जनाएको छ।
